Vis kilden til Sprakradets termwiki:Bruksvilkår

== Om Termwiki ==

Språkrådets termwiki er ei offentleg teneste og såleis allment tilgjengeleg. Innhaldet byggjer på medverknad frå ulike miljø som ser nytten i å få samla aktuell norsk terminologi på éin nettstad som er gratis tilgjengeleg og kan nyttast fritt av alle. Alle bidrag blir språkleg og ev. terminologisk kvalitetssikra av Språkrådets terminologiteneste før dei blir tilgjengelege. Termwikien skil seg difor frå mange andre wikinettstader ved at nye brukarar må få tildelt bruksrettar av Språkrådet før dei får tilgang til å redigere innhald i verktøyet.

== Kven kan medverke? ==

Alle som ønskjer å registrere norsk terminologi som blir allment tilgjengeleg, kan få bruksrettar. Dersom du ønskjer slike bruksrettar, kan du få ein brukarkonto ved å velje "Logg inn" øvst i høgre hjørnet eller klikke [[Spesial:Etterspør konto|her]]. Meir kontaktinformasjon finn du [[Hjelp:Kontakt|her]].

== Lisensar ==

Innhaldet i Språkrådets termwiki er lisensiert under Creative Commons. Vi nyttar lisenstypen by-nc-sa, som legg følgjande restriksjonar på innhaldet i wikien:

* Innhaldet kan brukast om att i ikkje-kommersiell samanheng.
* Innhaldet kan byggjast vidare på av tredjemann, men det må opplysast at Språkrådets termwiki er kjelda.
* Ved gjenbruk må materialet ha den same lisenstypen.

Dersom du ønskjer meir informasjon om Creative Commons, finn du utfyllande opplysningar [[http://www.creativecommons.no/ her]].